Xubriqan Məclisinin Rəyasət Heyətinin üzvü Höccətül-İslam vəl-müslimin Sülh Mirzayi, Hövzə Xəbər Agentliyinin müxbirinə verdiyi müsahibədə, İran xalqının küfr cəbhəsinin təcavüzlərinə qarşı tarixi mövqeyinə işarə edərək qeyd edib: Bu gün haqq və batil cəbhələrinin ön xətti ölkəmizin sərhədlərinə qədər çəkilmişdir və vəziyyət geri dönməz mərhələyə çatmışdır.
Xubriqan Məclisinin Rəyasət Heyətinin üzvü son dövrlər ərzində dövlətin əldə etdiyi uğurları şərh edərək əlavə edib: İran İslam Respublikasının əziz xalqı 12 günlük müharibə zamanı möhkəm həmrəyliyini nümayiş etdirərək, qəhrəman və fədakar silahlı qüvvələrinin dəstəyi ilə sionist rejimə ciddi zərbə endirmiş və öz qüdrətini göstərmişdir.
O, İslam İnqilabının Ali Məqamlı Rəhbərinin çıxışlarına istinad edərək vurğulayıb: Rəhbərin qeyd etdiyi kimi, əgər düşmənlər müharibəyə əl atsalar, bu müharibə regional müharibəyə çevriləcək. Biz səbirli olacağıq və inşallah bölgədə sionist rejimə, ABŞ-a və onların havadarlarına layiqli və adekvat cavab veriləcək.
Təhlükəsizlik qüvvələri ilə əməkdaşlıq, həmçinin qeyri-rəsmi xəbərlərdən çəkinmək hər birimizin vəzifəsidir
Höccətül-İslam vəl-müslimin Sülh Mirzayi çıxışının digər hissəsində, ictimai sakitliyin və milli təhlükəsizliyin qorunmasının vacibliyini vurğulayaraq, xalqın hazırkı həssas şəraitdəki vəzifələrini belə izah edib: Hazırkı şəraitdə hər birimizin üzərinə düşən əsas vəzifə qeyri-rəsmi xəbər mənbələrinə inanmamaq və öz əhval-ruhiyyəmizi qoruyub saxlamaqdır. Biz dövlətə dəstək olmalı və yerli və regional təhlükəsizliyimizi təmin etməliyik.
O, əlavə edərək bildirib: Hər hansı şübhəli element kimi qəbul oluna biləcək hallardan ehtiyatlı olmalı və zərurət yarandıqda təhlükəsizlik və hərbi əməkdaşlıq üçün lazımi tədbirləri görməliyik.
Xəbərin sonu
Rəyiniz